شرح إنشاء بريد جي ميل لدى جوجل ( Gmail )

اولي خطوات التدوين هي ان يكون لدبك حساب لدي جوجل و لعمل هذا الحساب بدون اي اخطاء يمكن اتباع الخطوات
التالية التي سنقوم بشرحها بالتفصيل الممل جدا ويجب عليك قرائتها و تنفيذها بعناية شديدة
اولا نذهب لصفحة التسجيل
https://mail.google.com/
سوف تجد نفسك في صفحة تكوين الحساب الخاص بك لدي جوجل اضغط علي الايقونة المشار اليها






ستفتح لك صفحة تكوين الحساب عليك بادخال اسمك في السطرالاول ( علي ) مثلا وذلك باللغة الانجليزية طبعا
في السطر الثاني ستقوم بادخال باقي اسمك ابوك وجدك (لطفي محمد) مثلا. طبعا الاسماء لازم تكون صحيحة
يعني اسمك الحقيقي و ده شيئ مهم جداجدا واسمك وبياناتك في الحفظ و الصون عند جوجل زي ما حانشوف بعد

كده السطر الثالث هو ايميلك او عنوانك البريدي عند جوجل اكتب الاسم اللي يعجبك يعني لومدونتك سياسية
وناوي تخبط في الحلل اكتب اسم مالوش علاقة بيك crfour مثلا .
و كده يبقي ايميلك crfour@gmail.com
اما لو كانت مدونة عن الكورة او الموضة او حاجات زي كده

ممكن نكتب اسمك و يكون هو ايميلك وده شيء جميل يساعد علي اشتهار مدونتك و اشتهارك انت شخصيا .
و علي فكرة عنوان مدونتك بتختاره بعد كده بنفسك ومالوش علاقة بايميلك خالص بس طبعا لازم يكون
ليك ايميل عند جوجل علشان تتمتع بخدماتها من مدونات و خلافه.




بعد كده لازم نتاكد ان الاسم اللي في الايميل متاح و ذلك بالضغط علي الايقونة و اذا ما كانش متاح بيديلك

اختيارات لو مش عاجباك اكتب اسم تاني وشوف هل هو متاح لما تلاقي الاسم اللي يعجبك تروح للخطوة
اللي بعد كده و هي اختيار كلمة السر اللي بيها تدخل حسابك و مافيش حد تاني يقدر يدخله الا لو عرفها

حاول تجهز ورقة علشان تكتب فيها كلمة السر اللي حاتختارها علشان الكلمة دي زي ما قولنا هي مفتاحك
لدخول حسابك . الكلمة دي لازم تتكون من حروف و ارقام ورموز عشوائية لضمان ان مافيش حد حتي
لو بيستخدم برنامج للتجسس يقدر يعرفها مثلا الكلمة تكون زي كده {utfb67j9OIK)^%gf} لاحظ
ان الحروف كابينال (اضغط shift و انت بتكتبها هي والرموز) و سمول والكلمة مالهاش اي معني ابدا
لاحظ ان الكلمة لما تكون قوية الخط اللي بجواره سيتحول للون الاخضر وستكتب كلمة strong بجوارها
وبكده تكون عملت كلمة السر.

يعد كده و من السطر التالي تختر احد الاسئله و تجاوب عليه اجابة تسجلها و تحفظها في دماغك علشان لو كلمة
السر ضاعت تقدر تستعيدها و يستحسن ان الاجابة مايكونش حد يعرفها وى يتخيلها حتي علشان حسابك
مايتسرقش و صدقني ان ده بيحصل و لو ما سمعتش كلامي بالتفصيل حايحصلك شخصيا.
السطر اللي بعد كده تكتب فيه ايميلك التاني اللي حاتراسلك عليه جوجل لو ضاعت كلمة السر منك ولازم يكون
ايميل عند حد تاني غير جوجل yahoo او hotmail مثلا. و الايميل التاني مفيد جدا ليك في حاجات كتير
و مش مهم ان بياناتك فيه تكون صحيحة بس لازم طبعا يكون بتاعك انت علشان ماحدش يعرف اسرارك .


الخطوة اللي جاية انك تدخل بلدك وتكتب كلمة التاكيد اللي باللون الاخضر علشان جوجل تتاكد ان اللي بيعمل
الحساب انسان مش روبوت و انا باكد تاني ان كل بياناتك لازم تكون صحيحة في حساب جوجل علشان
لو كسبت فلوس تعرف تصرفها من جوجل.

احيانا يديلك رسالة ان حروف الناكيد غلط ممكن تضغط علي الكرسي المتحرك اللي بجوارها حتسمع صوت
حايفولك ارقام بدل الحروف اكتبها و ارجع لكلمة السر دخلها ناني لانها حاتتمسح و راجع كل بياناتك
و اتاكد ان ما فيش حاجة ناقصة . و بعد ما تتاكد اضغط علي الايقونه الاخيرة ولاحظ ان كل البيانات ممكن
تعدلها بعد كده الا اسمك و ده اهم ما في الموضوع.

لو كنت ماشي علي كلامي صح الف مبروك بقالك حساب في جوجل تابع الخطوتين اللي بعد كده