تغيير شكل المدونه مهم جدا لان المدونات الاصليه بتاعة بلوجر شكلها مش حلو قوي و كمان الاضافات فيها قليله و طبعا مش كل واحد يعرف لغة الهتمل و يقدر يخلي مدونته بالشكل المناسب ليه كمان القوالب سهل الحصول عليها من مواقع كتير جدا يعني كفايه جدا انك تكتب كلمة قوالب المدونات في مربع البحث بتاع جوجل تلاقي كميه مرعبه من المواقع التي تقدر منها تحصل علي قالب جديد و شكله ظريف لمدونتك و تعمل داون لود للقالب و تحفظه في جهازك علشان تستعمله بدل القالب الاصلي بس طبعا ده مش السبب الوحيد لانك تحصل علي قالب جديد السبب الاهم هو ان فيه قوالب بتساعدك في الحصول علي ترتيب ممتاز في محركات البحث و علشان تعرف اهمية الموضوع ده افتكر انك لما بحثت من ثانيه عن قوالب المدونات لاقيت كميه مهوله من المواقع طبعا فيه مواقع في اول صفحه و فيه مواقع في الصفحه المليون يعني صعب ان حد يشوفها او يسمع عنها
عموما خلينا في تغيير القالب دلوقتي طبعا انت لاقيت القالب
اللي عجبك و خزنته في جهازك
الخطوه اللي بعد كده انك تدخل الداشبورد بتاعة مدونتك و تسجل الدخول زي الصوره و لو ماكنتش لسه عملت مدونه بسرعه اعمل واحده و تعالي
طبعا انت دلوقتي في الداش بورد بتاعتك و قدامك لستة المدونات
بتاعتك ههههه
دوس علي اللينك بتاع اللاي اوت بتاع المدونه اللي عاوز تغير
القالب بتاعها علشان نبتدي الشغل
كده احنا وصلنا لصفحة العناصر و الصفحه دي مهمه جدا بس احنا مش
حانستعملها دلوقتي احنا حانروح لصفحة الهتمل و دي برضه صفحه مهمه جدا
لانها الصفحه اللي فيهاالقالب بتاع المدونه مكتوب بلغة الهتمل
اوعي تلعب في حاجه من الرموز المكتوبه هنا دي جاي دورها انشاء الله
و حانتعلم سوا ازاي نغير فيها بعد كده بس مش وقتها دلوقتي
الاول تاخد نسخه احتياطي من القالب الاصلي و تخزنها في جهازك
ما حدش عارف الظروف
و بعد كده تضغط علي المربع الصغير تلاقي
جواه علامة صح و تدور بعد كده غلي القالب الجديد في جهازك ويستحسن
انك تعمل فولدر في جهازك للمدونه بتاعتك علشان تكون منظم و يكون
فيه القوالب و كل حاجه تخص مدونتك. المهم بعد كده تحمل الفالب الجديدو تعاينه لو عجبك ممكن تخزنه و لو لأ يبقي ما تخزنوش اما لو كنت
ما سمعتش كلامي و لعبت في الاكواد المكتوبه ما يهمكش دوس علي
الرجوع للفالب الاصلي .
اتمني ان التدوينه دي تكون مفيده و اي اسئله انا في الخدمهتم بحمد الله
ليست هناك تعليقات:
إرسال تعليق